Fecha: 3 de Abril.
Categorías: 04 - Abril, Fiestas

cartel-sidracrucis-2015 [1024x768]

La duodécima edición de la procesión más sentía y más sidrera de la Selmana Santa entama’l vienres 3 d’abril a les 12 del meudíi y fasta les 10 de la nuechi, los esforciaos del Sidracrucis van de chigre en chigre y de llagar en llagar, cola devoción propia de los amantes de la sidre. Un pocu a pie, otro andando y cuandu ye preciso n’autocar, porque lo primero qu’hai que curiar ye la seguranza.

Al Sidracrucis hai que dir polo menos una vegada na vida, porque ye la única forma d’atalantar la so filosofía. Si decimos que se bebe más d’una caxa sidre por presona pue paecer muncho; si desplicamos que ye a los llargo de 10 hores, con paraínes, forrando curioso, con pinchos en ca chigre, una fabaona xabaz pa xintar, una espicha de remate, cantares, daqué baille y munches rises, la cosa yá va teniendo más sentíu…
Pero ye tontería, cualisquier desplicación queda curtia, hai que vivilo y dende equí invitamos a los qu’entá nun participaren nesta procesión sidrera  y a los que yá la fixeren, que la repitan… pero a esos yá nun fai falta animalos.
Per otru llau los astemios, y los menores de selce (16) años podrán participar ensin torgues nel Sidracrucis, darréu que cuntaremos con sidre ensin alcol (Isidra. El Piloñu) y sidre’l duernu de Bernueces. Porque la sidre tien munches espresiones, y lo más importante d’ella nun ye precisamente l’alcol, sinon toles espresiones de la so cultura que l’acompanga.

Esti añu tornaremos a sosprender col percorríu y fadremos por visitar nueos llagares y conocer chigres onde se valora l’esfuerzu de la procesión sidrera y onde mos apurrirán pinchinos pal cuerpu y sidre pal alma, porque comu diz el reflán asturianu “la sidre nun arde pero fierve l’alma”, y la gaita que suene, y daqué cantarín habrá qu’echar.

Eso sí,  comu siempres, ye preciso remembrar que’l númberu participantes ye necesariamente llimitáu, y ye preciso apuntase aína. Nun puen dexase les coses pa llueu ¡y que tengamos que quedar en tierra!

VN:F [1.9.22_1171]
Votación: 5.5/10 (2 votos)
VN:F [1.9.22_1171]
Me gusta: 0 (de 0 votos)

XII Sidracrucis en Gijón 2015, 5.5 out of 10 based on 2 ratings

Comparte la fiesta

Comenta la fiesta en Facebook

Mapa de la fiesta


Para escribir un comentario visita nuestro foro http://foro.asturiasdefiesta.es/viewtopic.php?t=8533