VI Primera Sidra del año en Pueblo de Asturias (Gijón) 2015

LA SIDRA.-  El Muséu del Pueblu d’Asturies ye ensin dubia’l llugar perfechu pa la cellebración d’esti impresionante eventu sidreru col qu’entama la temporada sidrera asturiana.

Cuatro díis d’actividá continua onde, arriendes de l’amplia representación de les primeres sidres del añu, hai qu’amestar una ufierta cultural bien curiosa, con esibiciones, talleres, tasties guiaes, cocina en vivu, maridaxes, tonada, bolos, visites al Muséu… una fargatada de propuestes empobinaes a faer d’estes xornaes una referencia sidrera de primer orde, calteniendo l’espíritu y l’ambiente de les espiches tradicionales.
Y comu siempres, esti añu tamién habrá novedaes, comu la presentación de la banda gaites El Trubiecu de Villaviciosa, formada por mocedá menor de 18 años,  tamién actividaes pa los neños, y daremos-y puxu a la sidre’l duernu y a la sidre ensin alcol.
Por supuestu, nun faltará l’Amuesa de Tonada, el Concursu a la Meyor Primer Sidre l’Añu, les esibiciones de tonelería a cargu d’Hermanos Argüelles, los gaiteros, los xuegos tradicionales de xaronca y llave, el Concursu de Sidre Casero fecho en maera, que yá va pela cuarta edición.

Fadránse tasties guiaes de les sidres premiaes nel SISGA’14, habrá una xornada dedicada a les sidres alemanes, cheques y bretones, otra a les sidres esplumoses. Toa una riestra d’actividaes xeneraes al rodiu la sidre y qu’a la fin costitúin la espresión de la cultura asturiana de la sidre, que va acullá de lo que ye la propia bébora.